ओखलढुंगा : सोलुखुम्बुमा जंगली भालुको आतंक बढेर्को क तथ्यांकले देखाएको छ ।
एक वर्षको अवधिमा भालुको आक्रमणबाट ११ जना घाइते भएका छन् । मकै खान आएका भालुले विभिन्न गाउँका किसानलाई आक्रमण गरी घाइते बनाए । दुई दिनयता मात्रै दुईजनालाई आक्रमण गरी घाइते बनाएको छ । सोलु दूधकुण्ड नगरपालिका–३, लोदिङका ३५ वर्षीया माया शेर्पा शुक्रबार घाइते भएकी हुन् ।
शुक्रबार राति ८ बजतिर मकैबारीमा शेर्पालाई भालुले आक्रमण गरेको वडा सदस्य ल्हाक्पा गेलु शेर्पाले बताए । घाइते शेर्पाको जिल्ला अस्पताल फाप्लुमा उपचार सम्भव नभएपछि सामुदायिक अस्पताल ओखलढुंगामा उपचार भइरहेको छ ।
भालुले बारीमै आएर मकै खान थालेपछि स्थानीयले बारीमा डेरा निर्माण गरी भालु धपाउँदै आएका थिए । शेर्पालाई डेरामै भालुले आक्रमण गरेको स्थानीयले बताए । मकै पाक्ने सिजन सुरु भएसँगै सोलुखुम्बुमा भालुले किसानलाई आक्रमण गर्न थालेको सोलुखुम्बुका प्रहरी नायव उपरीक्षक शालिग्राम पौड्यालले बताए । उनले जिल्ला वनसँग समन्वय गरेर वन्यजन्तु व्यवस्थान गर्न स्थानीसँग आग्रह गरिएको जानकारी दिए ।
अघिल्लो वर्ष ९ जना, साउनमा ११ जना भालुको आक्रमणमा घाइते भएका थिए । मकै खाएर भालुले क्षति गर्ने भएकाले गोठ बनाएर बसेका किसानलाई भालुले आक्रमण गर्न थालेको स्थानीय दापुटी शेर्पाले बताए ।
भालुको आक्रमणबाट किसानको ज्यान नै जोखिममा पार्न थालेको शेर्पा बताउँछन् । साथै भालु नियन्त्रण गर्न र क्षतिपूर्तिको व्यवस्था गर्न सोलुका किसानले माग गरेका छन् ।
प्रतिक्रिया दिनुहोस !
