लागुऔषधसहित दुई पक्राउ
![लागुऔषधसहित दुई पक्राउ](https://annapurnapost.prixacdn.net/media/albums/arrested_20180911053149_NxliP9WOnk.jpg)
उदयपुर : उदयपुरको त्रियुगा नगरपालिका-६ लालपत्ताबाट लागुऔषधसहित दुई युवा पक्राउ परेका छन्। जिल्ला प्रहरी कार्यालयबाट खटिएको प्रहरी टोलीले सोमबार उनीहरुलाई पक्राउ गरेको हो।विशेष सूचनाका आधारमा प्रहरीले स.७.प. ८८०९ नम्बरको मोटरसाइकलमा आउँदै गरेका सिराहाको भगवानपुर गाउँपालिका २ का २० वर्षीय मुकेशकुमार यादव र २३ वर्षीय रमेशकुमार महतोलाई पक्राउ गरेको हो।
पक्राउ परेकाको साथबाट प्रहरीले फेनारगन १ सय एम्पुल, नोर्फिन १ सय एम्पुल, डाइजोल्याप १ सय एम्पुल र नगद ७ हजार २ सय ३० रुपैयाँ फेला पारेको जिल्ला प्रहरी कार्यालयका प्रहरी प्रमुख एसपी वीरबहादुर बुढामगरले जानकारी दिए। दुवैलाई प्रहरी हिरासतमा राखी अनुसन्धान भइरहेको प्रहरीले जनाएको छ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)