कपिलवस्तु : विपरित दिशाबाट आएका २ मोटरसाइकल तौलिहवा मर्यादपुर सडक खण्डको सेमरहवा नजिक एकआपसमा ठोक्किँदा १ जनाको मृत्यु भएको छ । मृत्यु हुनेमा कपिलवस्तु नगरपालिका-५ सेमरहवाका ४५ वर्षीय इन्द्रमणि चौधरी रहेको प्रहरीले जनाएको छ। मृतक कुर्मीको शव पोष्टमार्टमका लागि तौलिहवा अस्पतालमा राखिएको छ ।
मर्यादपुरबाट तौलिहवा आउँदै गरेको यूपी ५५ एए ५३८६ नम्बरको मोटरसाइकल र तौलिहवाबाट मर्यादपुरतर्फ जाँदै गरेको यूपी ५५ एए ११९३ नम्बरको मोटरसाइकल ठोक्किएका थिए । दुर्घटनामा परी दुवै मोटरसाइकलमा सवार ३ जना घाइते भएका छन्।
घाइते हुनेहरुमा मृतक चौधरीकी पत्नी ४५ वर्षीय विमलावती कुर्मी, मायादेवी गाउँपालिका ५ सिसहनियाका १८ वर्षीय शिवसागर हरिजन र उनका भाइ १० वर्षीय गंगा हरिजन रहेको प्रहरी नायब उपरीक्षक सुनिल मल्लले बताए। घाइते ३ जनालाई थप उपचारका लागि भैरहवा लगिएको छ।
प्रतिक्रिया दिनुहोस !
