सिरहा : सिरहाको लहानबाट चितुवाको छालासहित एक जना पक्राउ परेका छन् । बेचबिखनका लागि छाला राखेको अवस्थामा प्रहरीले उनलाई पक्राउ गरेको हो ।
पक्राउ पर्नेमा लहान नगरपालिका १७ का ३६ वर्षीय शिवकुमार राम रहेको सिरहा प्रहरी प्रमुख एसपी उमाप्रसाद चतुर्वेदीले जानकारी दिए । उनका अनुसार रामको साथबाट चितुवाको छाला जस्तो देखिने २ थान वस्तु बरामद भएको छ ।
लहानस्थित गोपाल सेवा सदनको कोठा नम्बर ६ मा भाडा लिइ रामले छाला राखेका थिए । प्रहरीले बेचबिखन भइरहेको थाहा पाएपछि सादा पोशाकमा प्रहरी खटाइएको थियो ।
उनीमाथि थप अनुसन्धान भइहरेको एसपी चतुर्वेदीले बताए । प्रहरीका अनुसार रामले उक्त छाला ३० लाख भन्दा बढी रकममा बेच्न आँटेका थिए ।
प्रतिक्रिया दिनुहोस !
