रोल्पा : लोकस्टार शनि विश्वकर्मालाई गृह जिल्ला रोल्पामा स्वागत गरिएको छ । आइतबार सदरमुकाम लिबाङमा बजार परिक्रमा गराइएको हो ।
रोल्पा नगरपालिका–८ जंकोट निवासी शनिलाई नगर परिक्रमा गराएर स्वागत गरिएको हो । अन्तर्राष्ट्रिय रोल्पाली सेवा समाजको अगुवाईमा बजार परिक्रमा गराइएको हो । उनलाई खादा, अबिर र माला लगाइदिएर हर्ष बधाई गरिएको समाजका अध्यक्ष सन्दिप थापाले बताए । टुँडिखेलबाट बजार परिक्रमा गराइएको हो ।
‘हाम्रो शनि हाई हाई, लोकस्टार शनि हाम्रो गौरव’ लगायतका नारासमेत लगाइएको थियो । पहिलो नेपाली लोकस्टार बनेपछि जिल्लामा खुशियाली छाएको छ ।
नगरपरिक्रमापछि शनिले केही गीत प्रस्तुत गरेका छन् । ‘लोकस्टार बनाउन सहयोग गर्ने सबैप्रति आभारी छु’, शनिले भने, ‘रोल्पाली अनि सिंगो नेपालीको साथ, सहयोग र मायाले मैले सफलता हात पारेँ। सबैलाई धन्यवाद ।’
प्रतिक्रिया दिनुहोस !
