भैरहवा : सशस्त्र प्रहरी बल नेपाल नम्बर ३८ गुल्म हेडक्वाटर राजश्व भन्सार सुरक्षा रुपन्देही डण्डाले भारतबाट अवैध रुपमा भित्र्याइएको ठूलो परिमाणमा खसी-बोका बरामद गरेको छ।
डण्डाका प्रहरी निरीक्षक विजय थापाको कमाण्डमा खटिएको टोलीले रुपन्देहीको देवदह नपा १ स्थित घोडाहामा चेकजाँजको क्रममा खसी बोका बरामद गरेको हो । ३ वटा ट्रक ना ७ ख ३४०, ना ६ ख ६६४८ र ना ६ ख ६६४१ नम्बरको ट्रकमा लोड रहेको ६ सय ७८ वटा खसी बोका बरामद गरिएको सशस्त्र प्रहरी बल नं. ३८ गुल्मका प्रमुख एंव प्रहरी नायब उपरीक्षक मानबहादुर शाहीले जानकारी दिए ।
खसी-बोका ओसारपसार गर्ने छजना चालकसहित गाडी नियन्त्रणमा लिइएको सशस्त्रले जनाएको छ । डीएसपी शाहीका अनुसार गाडी सहित बरामद खसी बोकाको मूल्य १ करोड १३ लाख ७३ हजार रुपैयाँ रहेको छ ।खसी बोकोको मूल्य २३ लाख ७३ हजार रहेको छ।
पक्राउ परेका व्यक्ति, खसी बोका र गाडी भैरहवा भन्सार कार्यालयमा बुझाइएको उनले बताए ।
प्रतिक्रिया दिनुहोस !
