धरान : प्रतिबन्धित लागु औषधको कारोबारमा संलग्न तीनजनालाई धरान प्रहरीले पक्राउ गरेको छ । भारतको जोगवनी नाकाबाट लागु औषध खरिद गरी धरान बिक्री गर्न ल्याउँदै गरेका उनीहरुलाई इलाका प्रहरी कार्यालय धरानको टोलीले धरान प्रवेश गर्ने तीनकुनेबाट पक्राउ गरेको हो ।
पक्राउ पर्नेमा धरान उपमहानगरपालिका १५ अनिल थापा, धरान १७ का सन्तोष विशंखे र मोरङ कानेपोखरी गाउँपालिकाका कविराज दाहाल रहेको इलाका प्रहरी कार्यालय धरानका डिएसपी ढुण्डिराज न्यौपानेले जानकारी दिए।
उनका अनुसार पक्राउ परेका थापाको साथबाट एकसय ग्राम गाजा, र लागुऔषध स्पासमिड ७ सय ७० क्याप्सुल बरामत गरेको छ । विशंखेको साथबाट लागुऔषध एभिल, लुप्रिजेशिक र डार्यजेलाव ८१ एप्पुल बरामत गरिएको छ ।
दाहालको साथबाट गाजा एकसय ग्राम र ट्रिडोल ७ सय ४० बोतल बरामत गरिएको डिएसपी न्यौपानेले बताए । उनले पक्राउ परेका तीनैजनाविरुद्ध लागुऔषध कारोवार ऐनअन्र्तगत मुदा दर्ता गरी कारवाही प्रक्रिया अगाडी बढाइएको जानकारी दिए । पक्राउ परेकालाई बिहीबार पत्रकार सम्मेलन गरी सार्वजनिक गरेको हो।
लागुऔषधसहित पक्राउ परेका अभियुक्त। तस्बिर : रत्नप्रसाद आचार्य
प्रतिक्रिया दिनुहोस !
