सिरहा : प्रहरीले सिरहाको गोलबजार नगरपालिका ६ बाट ब्राउनसुगरसहित चार युवकलाई पक्राउ गरेको छ। विशेष सूचनाको आधारमा मंगलबार राती स्थानीय दुईजनालाई गोलबजार ३ बाट आठ पोका ब्राउनसुगरसहित पक्राउ गरेको हो।
उनीहरुले दिएको सूचनाको आधारमा गोलबजार ६ बाट थप दुईजना गरी चारजना पक्राउ गरिएको सिरहा प्रहरी प्रमुख एसपी उमाप्रसाद चतुर्वेदीले जानकारी गराए । एसपी चतुर्वेदीका अनुसार पक्राउ पर्नेमा गोलबजार ६ का १८ वर्षीय बालकृष्ण साह, गोलबजार ३ का १८ वर्षीय मनिष श्रेष्ठ, २२ वर्षीय विमलकुमार साह र उनका भाइ १८ वर्षीय निलमकुमार साह छन् । पक्राउ परेकालाई गोलबजार प्रहरीमा राखेर थप अनुसन्धान थालिएको प्रहरीले जनाएको छ ।
प्रहरीले गोलबजार नगरपालिकाबाट चालु आर्थिक वर्ष २०७६/०७७ को साउनदेखि साढे पाँच महिनाको अवधिमा १८ ग्राम ब्राउनसुगरसहित २३ जनालाई पक्राउ गरी लागूऔषध कारोबार सम्बन्धि मुद्दा चलाइएको जनाएको छ ।
प्रतिक्रिया दिनुहोस !
