कपिलवस्तु : यशोधरा गाउँपालिका ३ को वडा कार्यालयमा आइतबार राती आगजनी भएको छ । अपरिचित व्यक्तिले आगजनी गर्दा वडा अध्यक्षको कार्यकक्ष जलेर नष्ट भएको छ । आगलागीबाट कार्यालयको कुर्सी, टेबल, दराज र कागजपत्र जलेर नष्ट भएको प्रहरीले जनाएको छ।
कम्प्युटर, फोटोकपी मेसिन, प्रिन्टर समेत जलेर नष्ट भएको वडा अध्यक्ष सरिता त्रिपाठीले जानकारी दिइन्। दराजमा रहेको ३५ हजार रुपैयाँ समेत लुटिएको वडा अध्यक्ष त्रिपाठीले बताइन् ।
घटनाबारे अनुसन्धान अघि भइरहेको प्रहरी नायब उपरीक्षक सुनिल मल्लले बताए । आगलागीबारे कसैले जिम्मा भने लिएको छैन।
प्रतिक्रिया दिनुहोस !
