भोजपुर : नेत्रविक्रम चन्द विप्लव नेतृत्वको नेपाल कम्युनिस्ट पार्टीका जनमुक्ति सेना सदस्यलाई प्रहरीले चिनियाँ पेस्तोलसहित पक्राउ गरेको छ ।
पार्टीको केही दस्तावेजसहित पेस्तोल लिएर हिँडिरहेका दैलेख जिल्ला, दुल्लु नगरपालिका–२ का २७ वर्षीय वीरेन्द्र बहादुर थापालाई प्रहरीले नियन्त्रणमा लिएको हो ।
बुधबार हतुवागढी गाउँपालिका ९ हसनपुरबाट थापा पक्राउ परेका थिए । खानतलासी गर्ने क्रममा इलाका प्रहरी कार्यालय घोरेटारको प्रहरी टोलीले उनको साथबाट ४ राउण्ड गोली, २ थान डायरी र केही पार्टीका दस्तावेज फेला पारेको बताइएको छ । उनलाई बिहीबार नै जिल्ला प्रहरी कार्यालय भोजपुर ल्याइ अनुसन्धान थालिएको डिएसपी नरबहादुर सलामीमगरले जानकारी गराए ।
प्रतिक्रिया दिनुहोस !
