उदयपुर : उदयपुरको ताप्लि गाउँपालिकामा बुधबार साँझ बोलेरो दुर्घटना हुँदा दुई जनाको घटनास्थलमा नै मृत्यु भएको छ भने चार जना गम्भीर घाइते भएका छन् । ताप्लि गाउँपालिकाको रामपुरझिल्के इनामेमा सामान पुर्याएर कटारीतर्फ फर्कदै गरेको मे.१.ज.२६६२ नम्बरको बोलेरो जिप वडा- २ धपेनीमा दुर्घटना भएको हो ।
दुर्घटनामा ताप्लि २ लेखगाउँका २६ वर्षीय मिलन राई र झापा विर्तामोडका ३३ वर्षीय महेन्द्र राईको घटनास्थलमै मृत्यु भएको जिल्ला प्रहरी कार्यालयका एसपी वीरबहादुर बुढामगरले जानकारी दिए।
दुर्घटनामा घाइते भएका ताप्लि २ लेखगाउँका ४० वर्षिया रसमाई राई, २७ वर्षीय बाबु राई, ३२ वर्षीय मोतिलाल राई, वडा-१ ओख्लेका २१ वर्षीय कोमलराज मगरलाई उपचारका लागि कटारी अस्पताल पठाइएको एसपी मगरले बताए।
प्रतिक्रिया दिनुहोस !
