बलिउड सेलिब्रिटीले बेलामौकामा मिडियासँग कुराकानी गरिरहेका हुन्छन् । उनीहरूलाई कुनै विषयमा कुरा गर्नुछैन भने उनीहरू ‘नो कमेन्ट्स’ भनेर पन्छिन्छन् । तर, कहिलेकाहीँ यस्ता कुरा भनिदिन्छन्, जो विवादको कारण बन्न पुग्छ ।
‘म पोर्नस्टार बन्न चाहन्छु’
बलिउडका ‘बादशाह’ अभिनेता शाहरुख खानले एक अन्तर्वार्तामा आफू पोर्नस्टार बन्न चाहने बताएका थिए । ‘म पहिलेदेखि नै पोर्नस्टार बन्न चाहन्थेँ,’ अन्तर्वार्तामा उनले भनेका थिए, ‘पोर्नस्टार बन्न एकदमै मेहनत गर्नेछु । अमेरिकाको सबैभन्दा ठूलो पोर्नस्टार बन्नेछु ।’ यसो भनिरहँदा उनले आफ्नो मजाक आफैँ उडाएका थिए । तर, उनको यो बयानले बलिउडमा प्रशस्त हंगामा भयो ।
‘शाहरुख मेरो खुट्टा चाटिरहेको छ’
सार्वजनिक रूपमा एकअर्काबारे नबोले पनि बलिउडमा आमिर खान र शाहरुख खानबीचको शीतयुद्ध जगजाहेर छ । उनीहरूको सम्बन्ध त्यतिखेर झन् बिग्रिएको थियो, जब आमिरले शाहरुखबारे सामाजिक सञ्जालमा एउटा पोस्ट गरेका थिए । सोसल मिडियामा पोस्ट गर्दै उनले लेखेका थिए– ‘शाहरुख मेरो खुट्टा चाटिरहेको छ । म उसलाई बिस्कुट खुवाइरहेको छु । मलाई योभन्दा बढी के चाहियो ? तपाईंहरूले यसबारे कुनै कमेन्ट गर्नुअघि नै बताउन चाहन्छु शाहरुख मेरो कुुकुरको नाम हो ।’ आमिरको यो ठट्टा कसैलाई मन परेन । शाहरुखलाई त झन् मन पर्ने कुरै भएन । त्यस पोस्टबारे प्रतिक्रिया दिँदै शाहरुखले गुनासो पोखेका थिए । उनले भनेका थिए– ‘आमिरले आफ्नो दुई प्रशंसक गुमाएका छन् । मेरा छोराछोरी उनको अभिनय असाध्यै मन पराउँछन् ।’
‘कुकुर पनि फिल्म हेर्न गएन’
कसैको चित्त दुखे पनि बलिउडका ‘दबंग’ हिरो सलमान खानलाई खासै फरक पर्दैन । बलिउडकर्मीका अनुसार उनको त मुखै बैरी छ । सलमानले अभिनेता ऋतिक रोशन र अभिनेत्री ऐश्वर्या रायको फिल्म ‘गुजारिश’माथि विवादित बयान दिएका थिए । उनले भनेका थिए– ‘त्यो फिल्म हेर्न त कुकुर पनि गएन ।’
‘गाईभैँसीसँग पनि फिल्म गर्नेछु’
एकताका अभिनेता शाहिद कपुर र अभिनेत्री करिना कपुरको प्रेम सम्बन्ध बलिउडका लागि ‘हट–केक’ थियो । करिनाको जीवनमा सैफ आएपछि उनीहरू छुट्टिए । ब्रेकअपछि उनीहरूका सम्बन्धमा यति तिक्तता आयो कि एक अन्तर्वार्तामा शाहिदले करिनाबारे विवादास्पद बयान दिए । एक अन्तर्वार्तामा शाहिदलाई ‘अब करिनासँग काम गर्नुहुन्छ कि नाइँ ?’ भनेर सोधिएको थियो । ‘निर्देशक भन्छन् भने म गाईभैँसीसँग पनि काम गर्न तयार छु,’ शाहिदको जवाफ थियो ।
‘रणवीरलाई कन्डम गिफ्ट गर्छु’
एक पटक बलिउडका निर्माता-निर्देशक करन जौहरको कार्यक्रम ‘कफी विद करन’ मा अभिनेत्री दीपिका पादुकोण पाहुना भएर आएकी थिइन् । उनलाई करनले ‘यदि तिमीले आफ्नो एक्स ब्वाइफ्रेन्ड रणवीर कपुरलाई गिफ्ट दिन चाह्यौ भने के दिन्छौ ?’ भनी सोधेका थिए । दीपिकाले जवाफ दिएकी थिइन्– ‘म रणवीरलाई कन्डमको प्याकेट गिफ्ट दिनेछु । किनकि, उनी यसको प्रयोग अत्यधिक गर्छन् ।’
प्रतिक्रिया दिनुहोस !
