उदयपुर : त्रियुगा नगरपालिका-१६ मा सुकौरा नजिकको जंगलमा मानव कंकाल फेला परेको छ। धरापे गाउँबाट करिब दुई किलोमिटर टाढाको जंगलमा मानव कंकाल फेला परेको हो।
बिहेका लागि पात टिप्न गएका गाउँलेहरुले जंगलमा कंकाल देखेपछि प्रहरीलाई खबर गरेको थिए। शुक्रबार अबेर खबर आएकाले शनिबार बिहान जिल्ला प्रहरी कार्यालयबाट टोली पठाइएको जिल्ला प्रहरी प्रमुख एसपी बीरबहादुर बुढा मगरले बताए।
जंगलबीचमा छागो खस्ने अप्ठेरो ठाउँ मुनी कंकाल रहेको स्थानीयले बताए। पुरुष वा महिला भन्ने कुरा प्रष्ट हुन नसकेको उक्त कंकाल दुई-तीन महिना अघिको हुनसक्ने अनुमान स्थानीयको छ। त्यहाँ रहेका कपडाको आकंलनले भने पुरुषकै हुन सक्ने अनुमान गरिएको छ। कंकालको पहिचानका लागि प्रहरीले गाउँमा टोली परिचालन गरेको जनाएको छ।
प्रतिक्रिया दिनुहोस !
