सिरहा : इलाका प्रहरी कार्यालय लहानबाट सादा पोशाकमा खटिएको प्रहरी टोलीले चेकजाँचको क्रममा लहान नगरपालिका-१० ग्रामिण चोकबाट ब्राउन सुगरसहित एक जनालाई पक्राउ गरेको छ। गएराति सप्तरी सुरुङ्गा नगरपालिका-८ का प्रेम चौधरी ब्राउन सुगरसहित पक्राउ परेका हुन्।
जिल्ला प्रहरी कार्यालय सिरहाका प्रमुख एसपी उमाप्रसाद चतुर्वेदीका अनुसार चौधरीको साथबाट १५ ग्राम ९२० मिलिग्राम ब्राउन सुगर र २०० मिलिग्राम हवाईट सुगर बरामद भएको छ।
स ४ प ४७३ नम्बरको मोटरसाइकलमा चेकजाँचका क्रममा प्रहरीले उनको साथबाट १ लाख ७ हजार ५ सय नेपाली रुपैयाँ, ५ हजार ४ सय ४० भारतीय रुपैयाँ र तीन थान मोबाइल पनि बरामद भएको थियो।।
पक्राउ परेका चौधरी सशस्त्र प्रहरीका निलम्बित सहायक हवल्दार रहेको बुझिएको छ। धनुषामा कार्यरत उनी दुई महिनाअघि निलम्बनमा परेको बताइएको छ।
प्रतिक्रिया दिनुहोस !
