अनमोल केसीकी नायिकाका रूपमा फिल्म एन्टी हिरोमा जसिता गुरुङ अनुबन्धित भएकी छन्। प्रदीप खड्कासँग दुई फिल्म ‘लिली बिली’ र ‘लभ स्टेसन’ मा अभिनय गरेकी जसिताले अहिले अनमोल केसीकी नायिका बन्ने अवसर पाएकी हुन्।
निर्माता भुवन केसीले नयाँ बन्न लागेको आफ्नो फिल्म ‘एन्टी हिरो’ मा अनमोलको जोडी बनाएर जसितालाई भिœयाएका हुन्। जसिताले यो फिल्मका लागि हस्ताक्षर गरेकी छन्। फिल्मको छायांकन वैशाखबाट सुरु गरेर दसैंमा रिलिज गर्ने तयारी रहेको निर्माता केसीले बताए।
भुवनले यसअघि छोरा अनमोललाई लिएर क्याप्टेन बनाएका थिए। झरनाको फिल्म ए मेरो हजुर– ४ सकाएपछि अनमोलले एन्टी हिरोलाई समय दिनेछन्।
प्रतिक्रिया दिनुहोस !
