सिरहा : इलाका प्रहरी कार्यालय लहानले चाँदीका गरगहनासहित दुई जना पक्राउ गरेको छ। लहान नगरपालिका ८ दुर्गा मन्दिर नजिकबाट मोरङको पथरी शनिचरे नगरपालिका १४ का ३० वर्षीय सुमन विश्वकर्मा र झापा शिवसतासी नगरपालिका ८ का ३८ वर्षीय दलबहादुर विश्वकर्मालाई प्रकाउ गरेको सिरहा प्रहरी प्रमुख एसपी उमाप्रसाद चतुर्वेदीले जानकारी दिए।
प्रहरीले उनीहरुको साथबाट चाँदीको ठुलो व्रास्लेट २७ थान, सानो ब्रासलेट १८ थान, चाँदीको औँठी १९६ पिस, चाँदीको बाला ५८ पिस, चाँदीको लेडिज ब्रासलेट २५ पिस र चाँदीको ड्राईगेन ४० पिस बरामद गरेको छ ।
३ लाख ६० हजार बराबरको ५७४२.७५० ग्राम चाँदीसहित उनीहरुलाई आवश्यक कारवाहीका लागि ठाडी भन्सार कार्यालयमा बुझाएको सिरहा प्रहरी प्रमुख एसपी चतुर्वेदीले बताए।
प्रतिक्रिया दिनुहोस !
