सिन्धुली : सिन्धुलीको कमलामाई नगरपालिका-४ ढुंग्रेवासस्थित मुस्कान होटलमा एक जना मृत अवस्थामा फेला परेका छन्। मृत्यु हुनेमा मोरङ घरभएका ५९ वर्षीय नेपाली सेनाको पूर्वप्राविधिक प्रमुख सेनानी ज्ञानेन्द्रबहादुर रिजाल रहेका छन्। यो शुक्रबार रातिको घटना हो।
राती होटलमा खाना आएर सुतेका रिजाल विहान अबेरसम्म पनि नउठेपछि होटल सञ्चालकले प्रहरीलाई खबर गरेर प्रहरीसहित हेर्दा रिजाल मृत अवस्थामा फेला परेको जिल्ला प्रहरी कार्यालय सिन्धुलीका प्रहरी नायब उपरीक्षक श्यामबहादुर खत्रीले जानकारी दिए। प्रहरीले होटलको कोठाको मुचुल्का उठाएर मृतक रिजालको शव पोष्टमार्टमका लागि सिन्धुली अस्पतालमा राखिएको छ।
घटनाका बारेमा प्रहरीले अनुसन्धान थालेको छ। मृतक रिजालको पोष्टमार्टम पछि के कारणले मृत्यु भयो थाहा प्रहरीले बतायो।
प्रतिक्रिया दिनुहोस !
