प्लास्टिक प्रदूषण कम गर्न ‘स्पाइडरम्यान’
इन्डोनेशियाः इन्डोनेशियामा अहिले रियल लाइफ स्पाइडरम्यानको चर्चा चलिरहेको छ । उक्त्त स्पाइडरम्यानको नाम रुडी आर्टोनो हो । जो सडक र समुन्द्र किनारमा फोहोर र प्लास्टिक उठाउने गर्छन् ।
चीनपछि इन्डोनेशिया प्लास्टिक प्रदूषण फैलाउने दोस्रो ठूलो देश हो । प्लास्टिक प्रदुषण कम गर्न रुडीले केही समयअघि सफाइ अभियान सुरु गरेका थिए । जसको चर्चा राष्ट्रिय स्तरमा भइरहेको छ ।
३६ वर्षीय रुडी आर्टोना एक क्याफेमा काम र्गछन् । उनी क्याफेको काम सकेर दैनिक राति ७ बजेदेखि सफाइ सुरु गर्ने गर्छन् । रुडीका अनुसार, यसअघि मानिसहरु सरसफाइसँग कुनै किसिमको लगाव राख्दैनथे । अन्य मानिसलाई यस अभियानसँग जोड्न स्पाइडरम्यानको भेषमा सफाइ सुरु गरेको कारण राष्ट्रिय स्तरको चर्चा भएको हो । र सफाइ हरेक मानवको दायित्व हो भन्ने सम्झेर यो अभियानमा लागी परेको उनले बताए।
स्पाइडर म्यानको पहिरन भने उनले आफ्नो भतिजलाई खुशी बनाउन किनेको बताएका छन् । तर उक्त पहिरन राम्रो काममा प्रयोग गर्न पाउँदा उनी खुशी छन् ।
सन् २०१८ मा वातावरण तथा वन मन्त्रालयले सार्वजनिक गरेको तथ्यांक अनुसार, २५ करोडभन्दा बढी जनसंख्या रहेको देश इन्डोनेशियामा दिनहुँ २.७ टन फोहोर उत्पादन हुन्छ । एक अध्ययनका अनुसार, इन्डोनेशिया १७ हजारभन्दा बढी टापुको समूह हो ।
सरकारले प्लास्टिक सहितको फोहोर व्यवस्थापन सुधार गर्न कडा नियम लागू गरेको हार्टोन बताउँछन् ।