धरान : होलीका दिन मंगलबार जबरजस्ती रंग दल्ने दुई महिला पक्राउ परेका छन् । धरान उपमहानगरपालिका १९ स्थित हरियाली सामुदायिक वन छेउमा सर्वसाधारणलाई जबरजस्ती रंग दली झगडा गर्ने महिलालाई पक्राउ गरिएको इलाका प्रहरी कार्यालय धरानका डिएसपी ढुण्डीराज न्यौपानेले बताए ।
पक्राउ पर्नेमा स्थानीय कुमारी राई र दिलु गौतम छन् । उनीहरूले जबरजस्ती रंग दलेर विवाद गरी झगडा गरेका कारण पक्राउ गर्नु परेको डिएसपी न्यौपानेले बताए । होलीकै दिन विना हेलमेट सवार रहेको र तीन जना सवार रहेका चारवटा मोटरसाईकल र एउटा स्कुटर नियन्त्रणमा लिएको न्यौपानले बताए ।
होलीका दिन सदाझैं भिडभाड देखिने धरान मंगलबार सुनसान छ । धरान बजार पूर्ण रुपमा बन्द रहे पनि सडकमा होली खेल्ने मानिस छैनन् । केहि युवायुवतीले भने सामान्य होली मनाएका छन् ।
प्रतिक्रिया दिनुहोस !
