वीपी प्रतिष्ठानमा भर्ना भएका १६ जनाको कोभिड-१९ परीक्षण रिपोर्ट आयो
चैत १५, २०७६ शनिबार १२:१:०
धरान : कोभिड–१९ कोरोना भाइरसको आशंकामा वीपी कोइराला स्वास्थ्य विज्ञान प्रतिष्ठान धरानमा उपचारका लागि भर्ना भएका १६ जना बिरामीको स्वाब रिपोर्ट नेगेटिभ देखिएको छ ।
उनीहरु सबैको स्वाब रिपोर्ट नेगेटिभ देखिएको वीपी प्रतिष्ठानका सहायक प्रवक्ता डा. अशोक ऐरले जानकारी दिएका छन् । उनले शनिबार पनि तीनजना बिरामीको नमुना परीक्षणका लागि टेकु पठाइएको जानकारी दिए।
प्रतिष्ठानका सहायक निर्देशक डा. विकास साहले फ्रान्सबाट कतार हुँदै जहाजमा नेपाल आएकी कोरोना सक्रमित युवतीसंगै आएका धरान–६ पानवारीका युवाको स्वाब परीक्षण पनि नेगेटिभ देखिएको बताए । संक्रमित युवतीसँगै आएका सुनसरीका चार जना मध्ये अन्य तीन जनाको भने परीक्षण गरिएको छैन्। अहिले कोरोनाको आशंकामा प्रदेश १ का विभिन्न जिल्लाका ८ जना प्रतिष्ठानमा भर्ना भइस् उपचार गराइरहेको साहले जानकारी दिए।
आशंका गरिएकोको रिपोर्ट देखिएपीछ धरानको वातावरण केही सहज भएको छ । केही बिरामीको रिपोर्ट नेगेटिभ आयो भनेर ढुक्क हुने अवस्था नरहेकोले सचेत भएर घरमै बस्न इलाका प्रहरी कार्यालय धरानका डिएसपी ढुण्डिराज न्यौपानेले आग्रह गरे। उनले सुरक्षामा प्रहरी चौबिसै घण्टा खटिरहेको भएपनि सर्वसाधारणले लकडाउन उंलघन गरेको भन्दै दुखेसो पोखे।
प्रतिक्रिया दिनुहोस !
