अनिल अधिकारी
अमेरिका : अमेरिकी सरकारले कोरोना भाइरसबाट उत्पन्न आर्थिक संकटसंग जुधिरहेका आफ्ना करदातालाई १२ सय डलर बराबर सहयोग रकम दिने भएको छ । सरकारले आफ्ना करादातालाई दिन लागेको सहायता प्याकेज शुक्रबार अमेरिकी ससंदको तल्लो सदनबाट पूर्ण बहुमतले पारित भएको छ ।
शुक्रबार भएको मतदानमा उपस्थित ९६ सिनेटरहरुले बिलको पक्षमा मतदान गरेका छन् । अमेरिकी इतिहासमै यो सबै भन्दा ठूलो आपतकालिन राहत प्याकेज हो । तल्लो सदन हाउस अफ रिप्रिजेन्टेटिभ्सबाट पारित भएको यो प्याकेज अमेरिकी राष्ट्रपति डोनाल्ड ट्रम्पले शुक्रबार नै हस्तक्षर गरेका छन् ।
दुई ट्रिलियन अमेरिकी डलरको सहायता प्याकेज वापत प्रत्येक करदातालाई १२ सय अमेरिकी डलर सम्म र विवाहित जोडीलाई २४ सय डलर सिधै बैंक खातामा पठाइनेछ । भने १७ बर्ष भन्दा कम उमेर समुहका बालबालिका भएका परिवारमा प्रत्येकलाई थप ५ सय डलर सहयोग रकम दिने जनाइएको छ । यसरी प्राप्त गर्ने रकम करदाताको खातामा सिधै जम्मा हुनेछ भने खाता नभएकाहरुको सन्दर्भमा घरघरमा चेक पठाउने जनाइएको छ ।
सन् २०१८ र २०१९ मा राज्यलाई आयकर तिरेका सबै करदातालाई यो रकम दिइनेछ । प्राप्त जानकारी अनुसार बार्षिक ७५ हजार भन्दा कम आम्दानी हुने प्रत्येक एक जनालाई १२ सय डलर सहयोग रकम प्राप्त गर्नेछन् । यस्तै विवाहित दम्पतीले संयुक्त आयकर तिरेका छन्, र बार्षिक १ लाख ७५ हजार भन्दा कम आम्दानी छ भने त्यस्तै जोडीलाई २४ सय डलर पाउनेछन् ।
संसदबाट पारित भएको प्याकेज अनुसार ५ सय बिलियन डलर ऋण बापत खर्च गर्ने, एयरलाइन्स उद्योगका लागि ३२ बिलयन सहयोग गर्ने लगायतका शिर्षकमा रकम छुट्टाइएको छ । यस्तै कन्ट्राक्टमा काम गर्ने र सेल्फ इम्प्लोयडहरुले पनि संघिय सहायता रकम प्राप्त गर्नेछन् । बिद्यार्थीहरुले लिएको ऋणको सेप्टेम्बर ३० सम्म कुनै ब्याज तथा अन्य कुनै जरिवाना लाग्नेछैन् । यसअघि सन् २००८ मा आर्थिक मन्दीका बेला समेत सरकारले यसप्रकारको सहयोग गरेको थियो ।
प्रतिक्रिया दिनुहोस !
