ओखलढुंगा : ओखलढुंगामा कोरोना संक्रमणको द्रुत परीक्षण (आरडिटी) सुरु गरिएको छ।पहिलो चरणमा काठमाडौँबाट आएका आएका १८ जनाको र्यापिड नाइग्लोसिस टेष्ट अर्थात द्रुत परीक्षण गरिएको हो ।
दुईजना विदेशी नागरिकसहित २० जनाको परीक्षणमा कोरोनाको रिर्पोट नेगेटिभ आएको छ। ओखलढुंगा क्याम्पस ओखलढुंगाको क्वारेन्टाइनमा रहेका ती २० जनाकै बिहीबार कोरोना परीक्षण गरिएको हो ।
काठमाडौंबाट जीप रिजर्भ गरेर रातको समय पारेर आएका ८ जनालाई बिहीबार बिहान गोरुमारेभञ्ज्याङबाट नियन्त्रणमा लिइएको थियो ।
यस्तै काठमाडौंबाटै हिँड्दै आएका ओखलढुंगाका १० जनालाई प्रहरीले घुर्मीबाट ल्याएको थियो । काठमाडौंबाट आएका ती १८ जना र यसअघि नै क्वारेन्टाइनमा रहेका २ जना भारतीय नागरिक गरी २० जनाकै परीक्षणमा रिर्पोट नेगेटिभ देखिएको जिल्ला कमाण्ड पोष्टका सुचना अधिकारी जिल्ला स्वस्थ्य प्रमुख सुमन तिवारीले जानकारी दिए ।
र्यापिड डाइग्नोसिस टेस्ट (आरडीटी) किटबाट कोरोना परीक्षण गर्दा नेगेटिभ देखिएपछि काठमाडौंबाट आएका १८ जनालाई छाडिएको छ । उनीहरुलाई घरैमा क्वारेन्टाइनमा बस्ने गरी छाडिएको हो । प्रदेश सरकारले १ सय ५० थान परीक्षण किट पठाएपछि द्रुत परीक्षण थालिएको छ । जिल्लामा विदेशबाट आएका १ सय ४३ जना सबैको परीक्षण गरिने तिवारीको भनाइ छ ।
प्रतिक्रिया दिनुहोस !
