जमाती बसेका स्थान सुरक्षित : सबैको कोरोना रिर्पोट नेगेटिभ
वैशाख १४, २०७७ आइतबार १४:४९:०
उदयपुर : जमाती बसेका स्थान उदयपुरको चौदण्डीगढी नगरपालिका ५ सिवाइका स्थानीयमा गरिएको परीक्षण रिर्पोट सबै नेगेटिभ आएको छ । प्रदेस सरकारको स्वास्थ्यकर्मी टोलीले तीन दिनअघि सिवाई, त्रियुगा नगरपालिका २ मोथियाहीमा संकलन गरिएका ७८ जनाकै परीक्षणबाट रिर्पोट नेगेटिभ आएको हो ।
संकलन गरेको स्वाब नुमना कोशी अस्ताल विराटनगरमा परीक्षण गरिएको थियो । सबैको रिर्पोट नेगेटिभ आएकाले जमातीले कोरोना ल्याएको भन्ने हल्ला यथार्थ नभएको स्वास्थ्य प्रमुख मोहन सुवेदीले बताए । उनले यसलाई आधार मानेर थप नयाँ ठाउँको परीक्षण गरेर ढुक्क हुने बताए ।
त्यसैगरी भोजपुरमा भेटिएका संक्रमितको ससुराली घर बेलका नगरपालिका ७ मैनामैनी बसेको हल्लापछि आफन्त ५ जनामा गरिएको स्वाब संकलन रिर्पोट पनि नेगेटिभ आएको उनले बताए । पछिल्लो रिपोर्टमा सबै नतिजा नेगेटिभ आएसँगै उदयपुरबासीको त्रास घट्दै गएको उनले बताए ।
प्रतिक्रिया दिनुहोस !
