दाङमा थप ९ जनामा कोरोना पोजिटिभ
दाङ : दाङमा आइतबार थप ९ जनामा कोरोना पोजिटिभ देखिएको छ। राप्ती स्वास्थ्य विज्ञान प्रतिष्ठानमा गरिएको कोरोना पीसीआर परीक्षणमा दाङका ४ पालिकाका ९ जनामा कोरोना संक्रमण पुष्टी भएको छ ।
संक्रमित हुनेमा तुलसीपुर उपमहानगरपालिकाका ५ जना, गढवा गाउँपालिकाका २, राप्ती गाउँपालिका र लमही नगरपालिकाका एक/एक जनामा कोरोना पुष्टि भएको हो ।
यस्तै तुलसीपुर उपमहानगरपालिका ६ का एकजना, वडा नं १५ का १ जना र वडा नं १६का तीनजना रहेको पाइएको छ । योसँगै दाङमा संक्रमितको संख्या ३४ पुगेको छ । संक्रमित सबै केही दिनअघि मात्र भारतबाट आएका थिए ।