इटहरी : सुनसरी सदरमुकाम इनरुवा १ मा रहेको मुख्य बजारमा आगलागी हुँदा दुई वटा पसल पूर्णरुपमा जलेका छन् । बजारमा रहेको हनुमान बस्त्रालयमा आइतबार बिहान लागेको आगोका कारण हनुमान बस्त्रालय र सिर्जना फाईनन्स जलेको हो ।
सँगै रहेको सप्तकोसी हार्डवेयरमा पनि केही क्षति पुगेको छ । ६ घण्टामा आगो नियन्त्रणमा आएको थियो । इनरुवा नगरपालिकासँग आफ्नो दमकल नहुँदा आगो नियन्त्रणमा आउन ढिलाइ भएको बताइएको छ ।
आगलागी नियन्त्रणमा लिन धरान, इटहरी, बराहक्षेत्र, दुहबी र मोरङको सुन्दर हरैचाका ६ वटा दमकल, नेपाली सेना, सशस्त्र प्रहरी, नेपाल प्रहरी र स्थानीयवासीले प्रयास गरेका थिए । आगलागीको कारण र क्षतीबारे खुलिसकेको छैन् ।
प्रतिक्रिया दिनुहोस !
