दाङ : सवारी दुर्घटनामा परी दाङमा एकजना प्रहरी जवानको मृत्यु भएको छ ।नवलपरासीको रामग्राम नगरपालिका -१४ स्थानीय घर भएका नवलपरासीको सुनवल इलाका प्रहरी कार्यालयमा कार्यरत प्रहरी २७ वर्षीय जीतेन्द्र चौधरीको मृत्यु भएको ईलाका प्रहरी कार्यालय तुलसीपुरका प्रवक्ता प्रहरी निरीक्षक चक्र डमरपालले जानकारी दिए ।
दाङको तुलसीपुरबाट दंगीशरण गाउँपालिका-१ रामपुर जाँदै गरेको चौधरी सवार लु ५८ प १८४३ नम्बरको मोटरसाइकलाई विपरित दिसाबाट आइरहेको रा १ त ७५७ नम्बरको ट्याक्टरले तुलसीपुर उपमहानगरपालिका-२ कुमलगडीमा ठक्कर दिँदा गम्भीर घाइते भएका चौधरीको उपचारका क्रममा राप्ती प्रादेशिक अस्पताल तुलसीपुरमा मृत्यु भएको डमरपालले जनाए । चौधरी दंगीशरण गाउँपालिका-१ रामपुरस्थित ससुराली जाँदै गरेको प्रहरीले जनाएको छ।
प्रतिक्रिया दिनुहोस !
