न्युयोर्क : हलिउडको चर्चित फिल्म ‘ब्याटम्यान’का निर्देशक जोल सुमाकरको निधन भएको छ। लामो समयदेखि क्यान्सरबाट पीडित ८० वर्षीय सुमाकरको न्युयोर्कमा निधन भएको हो।
स्मरण रहोस्, हलिउडमा उनले कस्ट्युम डिजाइनरका रूपमा करिअर सुरु गरेका थिए। उनले ‘द लस्ट अफ शीला’, ‘स्लिपर’, ‘द प्रिजिनर अफ सेकन्ड ऐभेन्यु’, ‘इन्टिरियर्स’, ‘ब्लुम इन लभ’जस्ता चर्चित हलिउड फिल्ममा कस्ट्युम डिजाइन गरेका छन्।
यसका साथै सुमाकरले सन् १९७४ को टेलिफिल्म ‘किलर बिज’मा प्रोडक्सन डिजाइनरका रूपमा पनि काम गरेका थिए। सुमाकर बहुप्रतिभाशाली थिए। उनले कैयौं फिल्मका कथा लेखेका छन्।
सुमाकरले जर्ज क्लुनी, अरनल्ड स्वजेनेगर, निकोल किडम्यन, डेमी मुर र निकोलस केजजस्ता ठूला कलाकारसँग काम गरेका थिए।
प्रतिक्रिया दिनुहोस !
