दाङमा शुक्रबार ७५ जनामा कोरोना पुष्टि : व्यवहारिसे शवकाे पीसीआर रिपोर्ट पोजिटिभ

दाङ : दाङमा शुक्रबार ७५ जनामा कोरोना सङ्क्रमण पुष्टि भएको छ । 

राप्ती स्वास्थ्य विज्ञान प्रतिष्ठानमा गरिएको पीसीआर परिक्षणमा दाङका विभिन्न स्थानीय तहका ७५ जनाका कोरोना पुष्टि भएको हो । दाङमा यो सँगै सङ्क्रमितको सख्या चार सय ५० पुगेको छ ।

राप्ती स्वास्थ विज्ञान प्रतिष्ठान घोराही दाङमा गरिएको परीक्षणमा दाङका ७५ र प्युठानका २० जना गरी ९५ जनामा कोरोना पोजिटिभ देखिएको बताएको छ । 

शुक्रबार दाङमा कोरोना पोजिटिभ देखिनेमा राजपुरका १० जना, शान्तिनगरका ६ जना, तुलसीपुरका ११ जना र घोराहीका ३१ जना रहेका छन । यस्तै लमहीका ३ जना, बङ्गलाचुलीका १० जना राप्ती स्वास्थ विज्ञान प्रतिष्ठानका तीन जनामा कोरोना पुष्टि भएको हो । त्यसैगरी एक जना परिचय र ठेगाना नखुलेको महिलामा कोरोना पुष्टि भएको छ ।

एकजनाको मृत्यु
घोराहीमा अचेत अवस्थामा फेला परेका एक महिलाको मृत्यु भएको छ । मृतक महिलामा कोरोना पुष्टि भएको प्रतिष्ठानले जनाएको छ । अचेत भेटिएका उनीलाई उपचारका लागि राप्ती स्वास्थ्य विज्ञान प्रतिष्ठानमा लगिएको थियो । उनले मुत्यु भएपछि कोरोना परीक्षणका लागि स्वाब संकलन गरिएको थियो ।