मास्‍क नलगाई हिँड्ने ४५ जना पक्राउ

मास्‍क नलगाई हिँड्ने ४५ जना पक्राउ

धरान : लकडाउनको समयमा धरानमा मास्‍क नलगाई हिँडडुल गर्ने ४५ जनालाई प्रहरीले पक्राउ गरेको छ । जिल्ला प्रशासन कार्यालय सुनसरीले मास्‍क नलगाई हिँड्नेलाई पक्राउ गरी कारबाही गर्न निर्देशन दिए लगत्तै धरान प्रहरीले बुधबार  ४५ जनालाई पक्राउ गरिएको इलाका प्रहरी कार्यालय धरानका डिएसपी ज्ञानेन्द्र बस्नेतले बताए । 

विश्वव्यापी रुपमा फैलिएको कोरोना भाइरसको संक्रमणका कारण नेपालमा समेत दिनप्रतिदिन कोरोना संक्रमण पोजिटिभ बिरामीको संख्या बढिरहेको छ । सरकारले बाहिर जाँदा अनिवार्य मास्‍क लगाएर मात्र हिड्न अनुरोध गरेको भएपनि अवज्ञा उलंघन गर्नेलाई नियन्त्रणमा लिएको डिएसपी बस्नेतले बताए । 

धरानका विभिन्न स्थानबाट पक्राउ गरिएकालाई प्रहरीले धरानको भानुचोकको वडाप्रहरी कार्यालयमा २ घण्टा राखेर सम्झाइ बुझाइ गरी छाडिदिएको डिएसपी बस्नेतले बताए ।  पक्राउ परेका व्यक्तिले पुन: मास्क नलगाइ हिँडेको पाइएमा मुद्दा दर्ता गरी कारबाही प्रक्रिया अगाडि बढाउने भन्दै चेतावनी दिएर छोडेको उनको भनाइ छ । 

लकडाउन खुकुलो भएपछि धरानमा सामाजिक दूरी कायम नगर्ने, लागुऔषध खरिदबिक्री गर्ने र समूहमा मास्‍क नलगाई  सर्वसाधारणको भीड लाग्न थालेपछि प्रहरीले कडाइ गर्न थालेको डिएसपी बस्नेतले बताए।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.