सिरहा : सिरहामा बुधबार २४ जना कोरोना भाइरस(कोभिड–१९)का संक्रमित थपिएका छन्। जसमा प्रहरी निरीक्षक, प्रहरी जवान र सर्वसधारण रहेका छन्।
जिल्ला स्वास्थ्य कार्यालय सिरहाका अनुसार, इलाका प्रहरी कार्यालय गोलबजारका प्रमुख प्रहरी निरीक्षक जनक पुरी र सोही प्रहरी कार्यालयमा कार्यरत दशजना प्रहरी तथा गोलबजारका चारजना सर्वसाधारणमा कोरोना सक्रमण भएको देखिएको छ। उनीहरुको पीसीआर रिर्पोट पोजेटिभ आएको छ।
चार सक्रमित भने कन्ट्रयाक्ट टे«सिङ्गका आधारमा फेला परेका हुन्। यसअघि पनि मगंलबार इलाका प्रहरी कार्यालय मिर्चैयाका प्रमुख प्रहरी नायव उपरीक्षक सन्तुलाल जयसवाल पनि सक्रमित भएका छन्।
यसैगरी, सिरहा नगरपालिका–१६ स्थित सीमा प्रहरी चौकीमा कार्यरत एक जना प्रहरीसहित ५ जना पुरुष र ४ जना महिला छन्। गोलबजार नगरपालिका १४ र नरहा गाउँपालिकाको क्वारेन्टाइनमा रहेका एकजनाको पीसीआर रिर्पोट पोजेटिभ देखिएको छ। योसँगै सिरहामा ८७ जना सक्रिय सक्रमितहरु देखिएका छन् जसमध्ये ८० जना समुदायबाटै आएका छन्।
प्रतिक्रिया दिनुहोस !
