विराटनगर : प्रदेश १ मा शनिबार १ सय २ जना कोरोना संक्रमित थपिएका छन्। थपिनेमा ३७ महिला र ६५ पुरुष छन्। संक्रमित मोरङका ४९, सुनसरीमा ३०, झापाका १६, भोजपुरमा ३, इलाममा १ र प्रदेश १ बाहिरका ३ जना रहेका सामाजिक विकास मन्त्रालयले जनाएको छ।
मोरङको विराटनगरमा २० महिला, १३ पुरुष, सुनबर्षीमा २ महिला, ८ पुरुष, सुन्दरहरैचामा १ महिला १ पुरुष, कटहरीमा २ पुरुष, धनपालथानमा १ पुरुष र स्थानीय तह नखुलेकी एक महिलमा संक्रमण देखिएको छ। मन्त्रालयका अनुसार सुनसरीको दुहवीमा १२ पुरुष, इटहरीमा ५ महिला, ३ पुरुष, धरानमा १ महिला, ३ पुरुष, गढीमा १ महिला, ३ पुरुष, भोक्राहामा १ पुरुष र स्थानीय तह नखुलेकी एक महिलाको रिपोर्ट पोजिटिभ आएको छ।
झापाको दमकका ३ महिला, १३ पुरुष, भोजपुरको अरण गाउँपालिकाका ३ पुरुष, इलामको देउमाईका १ पुरुष र प्रदेश १ बाहिरका २ महिला, १ पुरुषमा संक्रमण देखिएको सामाजिक विकास मन्त्रालयले जनाएको छ। प्रदेश १ मा कोरोना संक्रमितको संख्या २ हजार ५ सय ८९ पुगेको छ। प्रदेश १ मा हालसम्म १ हजार २ सय ४३ जना डिस्चार्ज भएका छन्।
प्रतिक्रिया दिनुहोस !
