रौतहट : इलाका प्रहरी कार्यालय चन्द्रनिगाहपुर रौतहटमा कार्यरत २० जना प्रहरीलाई कोरोना भाइरस संक्रमण पुष्टि भएको छ । गएको शुक्रबार संकलन गरिएको स्वाबको पीसीआर रिर्पोट बुधबार आएको हो ।
इलाका प्रहरी कार्यालय चन्द्रनिगाहपुरका प्रमुख डीएसपीसहित २० जना प्रहरीमा संक्रमण देखिएको हो । डीएसपी हेमबहादुर शाहीले आफूसहित कार्यालयका २० जना प्रहरीमा संक्रमण देखिएको सामाजिक संजालमा लेखेका छन् ।
कोराना संक्रमित प्रहरीहरुलाई होम आइसोलेसन तथा चन्द्रपुर नपा २ मा रहेको आइसोलेसनमा राखिने बताइएको छ । इलाका प्रहरी कार्यालय चन्द्रनिगाहपुरमा कार्यरत प्रहरी र केही स्थानिय गरी शुक्रवार ४१ जनाको स्वाव संकलन गरीएको थियो ।
स्वाब संकलन गरिएका ४१ जनामध्ये २० जना प्रहरी र अन्य सर्वसाधारण ८ जनाको रिर्पोट पोजिटिभ आएको चन्द्रनिगाहपुर अस्पतालका जनस्वास्थ्य निरीक्षक मात्रिका चालिसेले जानकारी दिएका छन् ।
प्रतिक्रिया दिनुहोस !
