ताप्लेजुङ : ताप्लेजुङमा सोमबार भएको ट्याक्सी दुर्घटनामा परी तीनजना घाइते भएका छन् । झापाबाट ताप्लेजुङतर्फ आइरहेको ट्याक्सी दुर्घटना हुँदा त्यसमा सवार अर्जुनधारा झापाका ४० वर्षीय असोक कार्की, फुङलिङ नगरपालिका–३ का ३७ वर्षीय सोमनाथ दहाल र सोही ठाउँकै ३८ वर्षीय राजेन्द्र दहाल घाइते भएका हुन् ।
मे १ ज २५७८ नम्बरको ट्याक्सी मेची राजमार्गअन्र्तगत काबेली फुङलिङ सडक खण्डमा पर्ने खोक्सेखोला नजिकै सडकबाट झरेर दुर्घटनामा परेको थियो । ट्याक्सी करिब २ सय मीटर तल झरेको जिल्ला प्रहरी कार्यालय ताप्लेजुङका प्रमुख महेन्द्र श्रेष्ठले बताए ।
घाइतेमध्ये असोक कार्कीको अवस्था भने गम्भीर रहेको प्रहरीले जनाएको छ। बाँकी दुईको अवस्था भने सामान्य छ । घाइते सबैको उपचारका लागि जिल्ला अस्पताल ताप्लेजुङमा ल्याइएको ताप्लेजुङ प्रहरी प्रमुख तथा प्रहरी नायव उपरीक्षक महेन्द्र श्रेष्ठले बताए ।
प्रतिक्रिया दिनुहोस !
