दाङ : दाङमा चितुवाको छालासहित एक व्यक्ति पक्राउ परेका छन्।
जिल्ला प्रहरी कार्यालय दाङले घोराही उपमहानगरपालिका-५ धर्ना निवासी ५० वर्षीय इन्द्रबहादुर घर्तीलाई चितवाको छालासहित पक्राउ गरेको हो।
वडा नम्बर १५ तारापुञ्जटोलमा छालाको कारोवार भइरहेको भन्ने गोप्य सूचनाका आधारमा खानतलासी गर्दा घर्तीको साथबाट ७ फिट ८ इन्चको टाउको पुच्छर सहितको सिंगो चितुवाको छाला बरामद गरिएको जिल्ला प्रहरी कार्यालय दाङका प्रहरी प्रवक्ता सुमित खड्काले जानकारी दिए।
पक्राउ परेका घर्तीलाई प्रारम्भिक अनुसन्धान पश्चात राष्ट्रिय निकुञ्ज तथा वन्यजन्तु संरक्षण ऐन २०२९ अन्तर्गत कानुनी कारवाही गरिने प्रहरीले बताएको छ।
प्रतिक्रिया दिनुहोस !
