२४ घण्टामा प्रदेश १ मा ३१५ संक्रमित थपिए : ३५० डिस्चार्ज
कात्तिक २१, २०७७ शुक्रबार १९:३२:०
विराटनगर : पछिल्लो २४ घण्टामा प्रदेश १ मा ३१५ जनामा कोरोना संक्रमण पुष्टि भएको छ।
शुक्रबार थपिएकाहरुमा मोरङमा १ सय २३, सुनसरीमा ८९, झापामा ७६, तेह्रथुममा ६, इलाम, धनकुटा र भोजपुरमा ३-३, उदयपुरमा २, ताप्लेजुङ, ओखलढुङ्गा र संखुवासभामा १-१ जना र प्रदेश १ बाहिरका ७ जना रहेको सामाजिक विकास मन्त्रालयले जनाएको छ।
यो सँगै प्रदेश १ मा कोरोना संक्रमितको संख्या २१ हजार १ सय १७ पुगेको छ।
प्रदेश १ मा शुक्रबार ३ सय ५० जना डिस्चार्ज भएका छन्। होम आइसोलेशनबाट ३४३, विराट मेडिकल कलेजबाट ३, बीपी कोइराला स्वास्थ्य विज्ञान प्रतिष्ठान धरानबाट २, न्युरो अस्पताल र जिल्ला अस्पताल धनकुटाबाट १-१ जना डिस्चार्ज भएका हुन्। हालसम्म डिस्चार्ज हुनेको संख्या १३ हजार ४६ पुगेको छ।
प्रदेश १ मा शुक्रबार १ हजार १ सय ९७ जनाको पीसीआर परीक्षण गरिएको छ। परीक्षण गरिएका मध्ये १ सय ३८ महिला र १ सय ७७ पुरुषको रिपोर्ट पोजिटिभ आएको हो। हालसम्म १ लाख ६७ हजार ३ सयको पीसीआर परीक्षण गरीएको सामाजिक विकास मन्त्रालयले जनाएको छ।
प्रतिक्रिया दिनुहोस !
