दाङ : सल्यानमा जीप दुर्घटना हुँदा ३ जनाको मृत्यु भएको छ। छत्रेश्वरी गाउँपालिकाको वडा नम्बर ४ को तिबाङघारीको भीरबाट जीप खस्दा तीन जनाको मृत्यु भएको सल्यान प्रहरीले जनाएको छ।
शनिबार दाङको तुलसीपुरबाट रोल्पाको सुका ओराल जाँदै गरेको लु १ ज २९११ नम्बरको डबल क्याप जीप तिबाङघारीको भीरबाट खस्दा घटनास्थलमै तीन जनाको मृत्यु भएको जिल्ला प्रहरी कार्यालय सल्यानले जनाएको हो।
ज्यान गुमाउनेमा रोल्पा गङगादेब गाउँपालिका ७ बस्ने भीमबहादुर वली सोही ठाउँका १७ वर्षीय भीमराज बुढा र गङगादेव गाउँपालिका ५ का गन्जमान बुढा रहेको प्रहरीले जनाएको छ ।
उकालोमा गाडा चड्न नसकेपछि ब्याक भएको गाडी भिरबाट खसेको बताएको छ। सात जना सवार उक्त जीपमा अन्य ४ जना भने सकुशल नै रहेको जिल्ला प्रहरी कार्यालय सल्यानका प्रबक्ता प्रहरी निरीक्षक लक्ष्मण ओलीले जानकारी दिए ।
गाडी सडकबाट करिब एकसय मिटर तल भिरमा खसेको उनले बताए।
प्रतिक्रिया दिनुहोस !
