दोलखा: नेपालकै प्रमुख गन्तव्यमध्येको कालिञ्चोक भगवतीको दर्शन गर्न पुगेकी एक महिलाको हारपरथर्मिया (कठ्यांग्रिएर)को कारण मृत्यु भएको छ ।
मकवानपुर जिल्ला फापरवारी घर भएकी ३३ वर्षीया सम्झना रोक्का मगरको शनिबार बिहान मृत्यु भएको जिल्ला प्रहरी कार्यालय दोलखाले जनाएको छ । प्रारम्भिक अनुसन्धानको क्रममा उनको मृत्यु आइपरथर्मियाको कारण भएको हुन सक्ने प्रहरीको अनुमान छ ।
मृतक मगर सामान्य बिरामी भइ मन्दिर जान नसकी कुरीबजार स्थित संगिता होटलमा आराम गरी वसेको र एक्कासी वेहोस भएपछि उपचारको लागि चरिकोट ल्याइएको दोलखाका प्रहरी प्रवक्ता निरीक्षक अन्जन कोइरालाले जानकारी दिए ।
निरीक्षक कोइरालाको अनुसार वेहोस अवस्थामा चरिकोट अस्पताल ल्याइएकी मगरको बिहान मध्यन्ह करिब १२ बजे मृत्यु भएको थियो । शव चरिकोट अस्पतालमा राखिएको र थप अनुसन्धान भइरहेको निरीक्षक कोइरालाले बताए ।
प्रतिक्रिया दिनुहोस !
