बेंसीसहर: लमजुङ उद्योग बाणिज्य संघको निर्वाचनमा अध्यक्षका उम्मेदवार गुणराज सिलवालसहित लोकतान्त्रिक पक्षको प्यानल नै विजयी भएको छ ।
अध्यक्षका प्रत्यासी प्रगतिशीलका श्रीकृष्ण लामिछानेलाई ३ सय १४ को फराकिलो मतअन्तरले लोकतान्त्रिक समूहका गुणराज सिलवालले अध्यक्षमा जित हासिल गरेका छन् । अध्यक्षका निर्वाचित सिलवालले १ हजार ३ सय ४५ मत प्राप्त गरे । प्रतिद्धन्द्धी प्रगतिशील समूहका श्रीकृष्ण लामिछानेले १ हजार ४५ मत ल्याए ।
प्रथम उपाध्यक्षमा प्रगतिशील समूहका विकास श्रेष्ठलाई हराउँदै लोकतान्त्रिक समूहका मृगेन्द्र घिमिरे निर्वाचित भएका छन् । घिमिरेले १ हजार २ सय ४९ मत ल्याउँदा श्रेष्ठले १ हजार ९० मत प्राप्त गरे । द्धितीय उपाध्यक्षमा भरतकुमार श्रेष्ठ निर्वाचित भएका छन् । श्रेष्ठले १ हजार ३ सय ३५ मत ल्याउँदा प्रतिद्धन्द्धी भरत विष्ठले १ हजार १३ मत पाए ।
तृतीय उपाध्यक्षमा कृष्णजंग गुरुङ विजयी भएका छन् । उनले १ हजार ३ सय ८६ मत प्राप्त गरे भने प्रत्यासी रविन विश्वकर्माले ९ सय ६८ मत ल्याए । महिला सदस्यमा १ हजार २ सय ८७ र १ हजार १ सय ९५ मत ल्याएर क्रमशः आइसा मिया र मनु पन्त विजयी भएका छन् । प्रतिद्धन्द्धी अनुपमा पुनले १ हजार ५ र कल्पना थापाले १ हजार ७८ मत प्राप्त गरे ।
खुला सदस्यमा शिवराम सिलवाल १ हजार २ सय ५२, सुरेशकुमार प्रधान १ हजार २ सय ८८ र प्रदीप बस्नेतले १ हजार २ सय ७४ मतका साथ विजयी भएका छन् । सदस्यमा प्रतिद्धन्द्धिी युवराज पौडेलले १ हजार, सुरजकुमार श्रेष्ठले ९ सय ६४ र बेदराज खनियाले ९ सय ७३ मत पाएका छन् ।
संघको ८ वटा इकाईमध्ये ७ वटा इकाई अध्यक्षसहितको समितिमा लोकतान्त्रिक समुहका उम्मेदवार विजयी भएका छन् । लोकतान्त्रिक समुहबाट बेसीसहरमा विपिन श्रेष्ठ, उदीपुरमा अमृतकुमार श्रेष्ठ, भोटेओडारमा मानकृष्ण आचार्य, राइनासमा आनन्द श्रेष्ठ, सुन्दरबजारमा डण्डबहादुर सुनार, दुइपिप्लेमा ऋषिराम पुरी र भोर्लेटारमा जाकिर हुसेन मिया अध्यक्ष पदमा विजयी भए । खुदी इकाइमा भने सहमतिमा प्रगतिशील समुहका सुर्यप्रकाश कतिला विजयी भए । संघमा अब प्रगतिशीलबाट कतिला र गजेन्द्र श्रेष्ठ २ जना मात्र सदस्य रहनेछन् ।
कूल २ हजार ६ सय ८४ मतदाता रहेकोमा २ हजार ४ सय ६७ जनाले मतदान गरेका थिए । बेंसीसहरमा १ हजार ८, सुन्दरबजारमा २ सय ९०, राइनासमा २ सय २९, भोर्लेटारमा २ सय ३०, भोटेओडारमा २ सय ९, उदिपुरमा १ सय ९३, सोतीपसल–दुइपिप्लेमा १ सय ३८ र खुदी इकाईमा १ सय ७० मत खसेको थियो ।
प्रतिक्रिया दिनुहोस !
