दमौली : हिरासतको व्यक्ति छुटाउन १० हजार रुपैयाँ घुस लिएको भन्दै अख्तियारले ईलाका प्रहरी कार्यालय बेलचौताराको महिला तथा बालबालिका सेवा केन्द्रमा कार्यरत प्रहरी हवल्दार शान्ति भण्डारीलाई नियन्त्रणमा लिएको छ ।
अख्तियार दुरुपयोग अनुसन्धान कार्यालय पोखराबाट आएको टोलीले नगद लिनासाथ उनलाई नियन्त्रणमा लिएको सूचना अधिकारी मेघनाथ रिजालले जानकारी दिए ।
सवारी दुर्घटना सम्बन्धी घटनामा अनुसन्धानका लागि प्रहरी नियन्त्रणमा रहेका व्यक्ति छुटाउन घुस मागेको उजूरी तथा गोप्य सूचनाका आधारमा सेवाकेन्द्र परिसरबाटै उनलाई पक्रिएको अख्तियारले जनाएको छ ।
रकम लिनासाथ घटनास्थल पुगेको टोलीले नियन्त्रणमा लिएर हवल्दार भण्डारीलाई थप अनुसन्धानका लागि पोखरा लगेको उनले जानकारी दिए ।
प्रतिक्रिया दिनुहोस !
