दमौली : तनहुँ उद्योग वाणिज्य संघको १६औं महाधिवेशनबाट अध्यक्षमा पबिन्द्रकुमार श्रेष्ठ निर्वाचित भएका छन् ।
कडा प्रतिष्पर्धात्मक मतदानमा श्रेष्ठले अध्यक्षका अर्का प्रत्यासी बैकुण्ठनाथ मिश्रलाई ४१ मतले पछि पार्दै विजयी भएका हुन् ।
अध्यक्षमा विजयी श्रेष्ठले ८०६ मत पाए । अध्यक्षका प्रत्यासी मिश्रले ६६५ मत पाएका छन् ।
१ औं महाधिवेशनमा अध्यक्षमा कृष्णराज पण्डितसँग पराजित श्रेष्ठले १६औं महाधिवेशनमा भने जित सुनिश्चित गरेका हुन् । मतदानमा कुल १ हजार ४९४ मत खसेको थियो ।
अध्यक्षमा विजयी श्रेष्ठ र मिश्र दुवै कांग्रेसनिकट हुन् । श्रेष्ठका पक्षमा कांग्रेससँगै एमाले नेतृत्वको साथ थियो ।
महाधिवेशनबाट प्रथम उपाध्यक्षमा ईमकुमार मल्ल, द्वितीय उपाध्यक्षमा कुमार मल्ल, कोषाध्यक्षमा दिनेशकुमार श्रेष्ठ, वस्तुगत सदस्यमा कृष्ण सुनार तथा एसोसिएट सदस्यमा शिवओम मल्ल सर्वसम्मत भइसकेका थिए ।
अध्यक्ष पदमा सहमति हुन नसकेपछि मतदान भएको हो ।
प्रतिक्रिया दिनुहोस !
