राजविराज : मङ्गलबार १५ मिनेटभित्र सप्तरीका दुईजना कोरोना संक्रमित पुरुषको मृत्यु भएको छ । वीपी कोइराला स्वास्थ्य विज्ञान प्रतिष्ठान धरानमा उपचाररत कोरोना संक्रमित हनुमाननगर कंकालिनी र सप्तकोशी नगरपालिकाका एकजना गरी दुईजनाको मृत्यु भएको जिल्ला स्वास्थ्य कार्यालयले जनाएको छ ।
वैशाख १७ गते ज्वरो आएपछि धरानस्थित प्रतिष्ठानमा स्वाव परीक्षण गर्दा कोरोना पोजिटिभ देखा परेका हनुमाननगर कंकालिनी–२ निवासी हनुमाननगर बजार बस्ने ४२ वर्षीय पुरुषको बिहान मृत्यु भएको हो । त्यस्को १५ मिनेटमा सप्तकोशी नगरपालिका–१ का ४५ वर्षीय कोरोना संक्रमित पुरुषको मृत्यु भएको अस्पतालले जनाएको छ । ज्वरो आइ स्वासप्रश्वासमा समस्या भएपछि उनी गत वैशाख ८ गतेदेखि धरानमा भर्ना थिए ।
योसहित ६ दिनको अवधिमा सप्तरीका ४ जनाको मृत्यु भएको छ । नयाँ संक्रमित ४ जनासहित सप्तरीमा हालसम्म ४५ जनाको मृत्यु भएको जिल्ला स्वास्थ्य कार्यालय सप्तरीले जानकारी दिएको छ ।
शव व्यवस्थापनको लागि समन्वय भइरहेको जिल्ला प्रहरी कार्यालय सप्तरीले जनाएको छ ।
प्रतिक्रिया दिनुहोस !
