कतार: विश्वव्यापी रुपमा प्रभावशाली मिडिया अलजजीराले केही दिनदेखि आफूहरुमाथि साइबर आक्रमण हुँदैआएको जनाएको छ ।
पछिल्लो समय अल जजीराको वेबसाइट बारम्बार ह्याक गर्ने प्रयास भएको समेत बताइएको छ । यसका केही न्युज प्लेटफर्ममा पहुँच, अवरोध र नियन्त्रण गर्ने उद्देश्यले बारम्बार रुपमा विद्युतीय आक्रमण भएको अल जजीराले विज्ञप्तिमा उल्लेख गरेको छ ।
पछिल्लो शनिबारदेखि मंगलबारसम्म यस्ता आक्रमण प्रयास तिब्र रुपमा भएको बताइएको छ । तर ती आक्रमण र ह्याकिङ प्रयासलाई अल जजीराले आफ्नो सर्भिस प्रोभाइडरबाट रोक्न सफल भएको समेत जनाएको छ ।
बुधबार अल जजीराले विज्ञप्ति जारी गर्दै यसबारे जनाएको हो । विज्ञप्ति अनुसार आक्रमणको उच्च रुप आइतबार अल जजीराको अरेबिक युट्युब च्यानलमार्फत इजरायली र प्यालेस्टाइनी अतिवादी समूहबीचको वार्ताबारे डकुमेन्ट्री देखाउने क्रममा भएको थियो । कतारको सरकारी मिडिया क्यूएनए ह्याक भएपछि अल जजीराले ठूलो मात्रामा साइबर आक्रमणको सामना गरेको हो ।
प्रतिक्रिया दिनुहोस !
