दाङ : सबै उपचार कोरोना केन्द्रित भइरहेका बेला अन्य बिरामीको उपचार सहजताका लागि प्रादेशिक अस्पताल तुलसीपुर र तुलसीपुर उपमहानगरपालिकालाई आवश्यक स्वास्थ्य सामग्री उपलब्ध गराइएको छ ।
जिल्लाको राप्ती प्रादेशिक अस्पताल र तुलसीपुर उपमहानगरपालिकालाई ननकोभिड बिरामीको उपचार र प्रयोजनको लागि विभिन्न प्रकारका स्वास्थ्य सामग्री उपलब्ध गराइएको हो ।
नेपाल सरकार स्वास्थ्य मन्त्रालयको आग्रह नेपाल रेडक्रस सोसाइटीको सहकार्य तथा समन्वय र युएनएफपिएको सहयोगमा स्वास्थ्य सामग्री सहयोग गरिएको नेपाल रेडक्रस सोसाइटी केन्द्रीय विपद व्यवस्थापन शाखाका कार्यक्रम अधिकृत नगेन्द्र अर्यालले जानकारी दिए ।
‘अन्य बिरामीको उपचारमा समस्या भयो, त्यसको निरन्ताका लागि प्राथमिक स्वास्थ्य सामग्री सहयोग गरिएको हो’ अर्यालले भने । सहयोग गरिएको स्वास्थ्य सामग्री ११ नं को औषधि प्याकेज भएको जानकारी दिए । अस्पताललाई औषधिका ३४ वटा बक्स सहयोग गरिएको छ । नेपाल रेडक्रस सोसाइटीका जिल्ला सभापति नारयण आचार्यले राप्ती प्रादेशिक अस्पताल व्यवस्थापन समितिका अध्यक्ष्य पदम प्रसाद न्यौपाने र मेडिकल सुपरिटेन्डेन्ट डा. विनोद सिहलाई हस्तान्तरण गरेका हुन ।
स्थानीय तहलाई महिला सुरक्षा सामग्री
तुलसीपुर उपमहानगरपालिकालाई महिला स्वास्थ्य सुरक्षा सामग्री सहयोग गरिएको छ । उपमहानगरपालिकाका उपप्रमुख माया शर्मालाई किशोरी किट ६० र डिग्नेटी किट ५० हस्तान्तण गरिएको नेपाल रेडक्रस सोसाइटी दाङमा प्रशासकीय अधिकृत विश्राम अधिकारीले बताए । सामग्री हस्तान्तरण कार्यक्रममा शाखाका मन्त्री प्रकाश श्रीबन्द, सदस्य भिमलाल मरासिनी,कोरोना विशेष अस्पतालका व्यवस्थापक दोर्ण वली, रेडक्रसका कार्यक्रम सयोजक जगत तामाङ लगायतकाको सहभागिता रहेको थियो । कार्यक्रममा उपप्रमुख माया शर्माले नगरलाई आबश्यक सामग्री प्राप्त भएको भन्दै यसलाई सहि सदुपयोग गरिने बताइन ।
श्रीगाउँमा बेड र पीपीइइ सहयोग
श्रीगाउँ प्राथमिक स्वास्थ्य केन्द्रमा विरामी बेड र पीपीइ सहयोग गरिएको छ । नेपाल रेडक्रस सोसाइटी सिइएचपीको सहयोगमा तीनवटा बिरामी बेड र २५ वटा पीपीइ सेट सहयोग गरिएको छ । अस्पतालका आवश्यकताको माग अनुसार सामग्री सहयोग गरिएको मन्त्री प्रकाश श्रीबन्दले बताए ।
प्रतिक्रिया दिनुहोस !
