भन्सार छलीकाे सामान बरामद
नवलपरासी : भन्सार छलेर ल्याउँदै गरेको कपडासहित ७ लाख बराबरको सामान पश्चिम नवलपरासी प्रहरीले सोमबार बरामद गरेको छ । प्रतापपुर गाउँपालिकाको सीमा क्षेत्र धर्मौली नाकाबाट अटो रिक्सामा ल्याउँदै गरेको अवस्थामा ४ सय ८१ थान टि-सर्ट र थान कपडालाई बरामद गरिएको जिल्ला प्रहरी कार्यालयका प्रवक्ता डिएसपी राजु लामाले जानकारी दिए ।
बरुवाबाट बरामद भएको सामानको मूल्य करिब ६ लाख बराबरको छ । सामान ओसारपसार गरेको आरोपमा अटो रिक्सा चालकलाई समेत प्रहरीले नियन्त्रणमा लिएको छ।
त्यसैगरी पाल्हीनन्दन गाउँपालिकाको लोहोरौलीबाट ७ वटा बेट्री प्रहरीले बरामद गरेको छ । भारतीय मोटरसाइकलमा लैजाँदै गरेको अवस्थामा बरामद भएको बेट्रीको मूल्य १ लाख बढी रहेको छ ।
पक्राउ परेका अटो चालकसहित बरामद सबै सामान र सवारी साधान आवश्यक कारवाहिका लागि महेशपुर भन्सार कार्यालय चलान गरिने प्रहरीले जनाएको छ ।