महोत्तरी : महोत्तरीको मनरा सिस्वा नगरपालिका ४ मा अज्ञात समुहको कुटपिटबाट एक जना गम्भीर घाइते भएका छन्। अज्ञात समुहको कुटपिटबाट ३५ वर्षिय विनोद कुमार सिंह गम्भीरघाइते भएका हुन् । उनको प्रादेशिक अस्पताल जनकपुरमा उपचार भईरहेको छ। उनको टाउकोमा १० टाँका लागेको छ।
गएराति ३ बजेको समयमा घरभित्र पसेका ५-७ जनाको अज्ञात समुहले भाटा प्रहार गर्दा सिंह गम्भीर रुपमाघाइते भएका छन्।
जिल्ला प्रहरी कार्यालय महोत्तरीका प्रवक्ता डिएसपी प्रकाश विष्टका अनुसार रातिको समयमा के कारणले घटना भएको खुलासा हुन सकेको छैन। प्रहरीले घटनाको सम्बन्धमा अनुसन्धान गरिरहेको डिएसपी विष्टले जानकारी दिए।
प्रतिक्रिया दिनुहोस !
