सिरहा : आमहड्ताल गर्न सडकमा उत्रेका डा. सिके राउत नेतृत्वको जनमत पार्टीका १४ कार्यकर्तालाई प्रहरीले सिरहाको विभिन्न स्थानबाट पक्राउ गरेको छ।
सिरहा प्रहरी प्रवक्ता तथा डिएसपी सुवास बुढाथोकीका अनुसार सवारी साधनमा तोडफोड र आगजनी गरेका १४ जना पक्राउ परेका छन्। ९ जना गोलबजारबाट, ३ जना मिर्चैयाबाट र एक जना विष्णुपुरबाट पक्राउ परेका हुन्।
पक्राउ परेकाको रिहाइ वा मुद्दाको बारेमा सोमबार निर्णय हुने उनले बताए।
औरही गाँउपालिकाले गहुंको बीउ लुकटेको भन्दै चार जनामाथि मुद्दा दर्ता गराएको र प्रहरीले एक किसानलाई पक्राउ गरेको विरोधमा जनमत पार्टीले आइतबार आमहड्तालको घोषणा गरेको थियो।
आन्दोलनको अवज्ञा गरेको भन्दै जनमत पार्टीका कार्यकर्ताले चोहर्वामा ट्रकमा आगजनी गरेका छन्। यस्तै राजमार्ग बन्द गराउने जनमतका कार्यकर्ता र प्रहरीबीच ठाउँ ठाउँमा झडप भएको थियो।
प्रतिक्रिया दिनुहोस !
