धनुषा : धनुषाबाट प्रहरीले लागुऔषध गाजासहित एकयुवकलाई पक्राउ गरेको छ । पक्राउ पर्नेमा धनुषाको सवैला नगरपालिका–९ कुसमाहा सतोषर बस्ने ३० वर्षीय लालबाबु कापर रहेको जिल्ला प्रहरी कार्यालय धनुषाले जनाएको छ ।
विशेष सूचनाको अधारमा इलाका प्रहरी कार्यालय सवैलाबाट खटिएको प्रहरी टोलीले उनलाई घरनजिकै कालो प्लास्टिक लिएर हिँडडुल गरिरहेको अवस्थामा नियन्त्रणमा लिएको हो। चेकजाँच गर्दा गाजासहित पक्राउ परेको धनुषाका प्रहरी प्रवक्ता एवं डीएसपी जितेन्द्र बस्नेतले जानकारी दिए । उनका अनुसार पक्राउ परेका कापरको साथबाट ६ सय ग्राम गाजा बरामद भएको हो ।
कापरमाथि लागऔषध नियन्त्रण ऐन अनुसार पहिलो पटक दिन १० दिनको म्याद थप गरी अनुसन्धान गरिरहेको डीएसपी बस्नेतले बताए ।
प्रतिक्रिया दिनुहोस !
