भोजपुर गोल्डकप : उदयपुरलाई हराउँदै गोर्खा ब्वाइज सेमिफाइनलमा
चैत ३, २०७८ बिहीबार १८:५२:०
भोजपुर : गोर्खा ब्वाइज रुपन्देही भोजपुर सदरमुकाममा जारी पाँचौ अन्र्तराष्ट्रिय आमन्त्रण भोजपुर मेयर गोल्डकपको सेमिफाइनल प्रवेश गरेको छ । बिहीबार भएको क्वार्टर फाइनलमा बसाहा क्लब उदयपुरलाई ३–१ गोलले हराउँदै गोर्खा ब्वाइज अघिल्लो चरणमा प्रवेश गरेको हो ।
पहिलो हाफको ३६ औँ मिनेटमा गोर्खा ब्वाइजका यानिकले सुन्दर गोल गर्दै टिमलाई अग्रता दिलाए । त्यस्तै दोस्रो हाफको ४७ औँ मिनेटमा उदयपुरका प्रदिप कार्की गोल फर्काउँदै खेल बराबरीमा ल्याए ।
दोस्रो हाफको ८० औं मिनेटमा गोर्खा ब्वाइजका यानिकले नै गोल थप्दै टिमको गोलअन्तर बढाए । त्यसको १ मिनेट वित्न नपाउँदै गोर्खा ब्वाइजका सुमित खड्काले गरेको गोलले गोर्खा ब्वाईजको गोलअन्तर दोब्बर बन्यो ।
सुन्दर अवसर पाएपनि उदयपुरले गोल फर्काउन नसकेपछि गोर्खा ब्वाइजले खेल आफ्नो पक्षमा पार्यो । टिमका लागि २ गोल गरेका गोर्खा ब्वाइजका यानिक म्यान अफ दि म्याच घोषित भए । सेमिफाइनलमा गोर्खा ब्वाइजको भिडन्त आयोजक भोजपुरसँग हुनेछ ।
हारसँगै उदयपुर प्रतियोगिताबाट बाहिरिएको छ । खोटाङ र मोरङ यसअघि नै खेलबाट बाहिरिएका छन् । मोफसलकै सर्वाधिक धनराशी पुरस्कार रहेको प्रतियोगितामा राष्ट्रिय र अन्र्तराष्ट्रिय गरी विभिन्न ८ टिमको सहभागिता रहेको प्रतियोगिताको विजेताले ५ लाख र उपविजेता टिमले ३ लाख पुरस्कार जित्नेछन् ।
प्रतिक्रिया दिनुहोस !
