जोमसोम : देशभर म्यादी प्रहरीमा भर्ना हुनेको लर्को लागेपनि मुस्ताङमा भने खासै चहलपहल छैन। यहाँ २ सय ३२ जना म्यादी प्रहरी भर्ना कोटा रहेपनि बुधबारसम्म जम्मा १ सय ३८ जनाले मात्र आवेदन पेश गरेको जिल्ला प्रहरी कार्यालय मुस्ताङले जनाएको छ । प्रहरी अनुसार आवेदन दिएका १ सय ३८ जना मध्ये २६ जना महिला रहेका छन् । तोकिएको समय अवधिमा कोटा अनुसार आवेदन नआएमा प्रदेश प्रहरीलाई जानकारी गराई त्यहाँबाट पदपूर्ती गरिने जिल्ला प्रहरी कार्यालय जनाएको छ ।
धार्मिक तथा पर्यटकीय जिल्ला मुस्ताङमा स्थानीयको कम सहभागी भएकाले आवश्यक संख्या नपुग्ने अनुमान गरिएको छ । भौगोलिक रुपले विकट जिल्ला मुस्ताङमा सुगम र दुर्गम जिल्लाको म्यादी प्रहरी सेवा सुविधा एउटै भएकाले समेत म्यादी प्रहरी भर्ना हुन कम सहभागिता देखिएको हो ।
निर्वाचनमा सुरक्षा सहयोगमा योगदान गरेवापत म्यादी प्रहरीलाई ४० दिने कार्यभारका लागि ३० हजार २ सय ४० रुपैया तलब, खाद्यान्न खर्चमा ७ हजार २ सय र ६ हजार अतिरिक्त खर्च उपलब्ध गराइनेछ ।यो मुस्ताङमा खटिने म्यादी प्रहरीलाई यो सुविधा कम भएको हो ।
प्रतिक्रिया दिनुहोस !
