ढल्केवर(धनुषा) : महोत्तरीबाट प्रहरीले स्रोत नखुलेको ५५ लाखसहित दुईजना पक्राउ गरेको छ। पक्राउ पर्नेमा औरही नगरपालिका–२ बस्ने अन्दाजी २० वर्षीय धीरजकुमार यादव र सोही ठाउँका रमेशकुमार सहनी रहेको प्रहरीले जनाएको छ । जलेश्वर–रामगोपालपुर–बर्दिबास सडकखण्ड अन्तर्गत औरही नगरपालिका–१ स्थित मोटरसाइकलमा सवार रहेका यादव र सहनीको साथबाट उक्त रकम फेला परेको जिल्ला प्रहरी कार्यालय महोत्तरीका प्रहरी प्रवक्ता प्रहरी नायब उपरीक्षक प्रकाश विष्टले जानकारी दिए ।
उक्त रकमको स्रोत खुलाउन नसकेपछि प्रहरीले उनीहरुलाई नियन्त्रणमा लिइ जलेश्वर भन्सार कार्यालयमा बुझाएको छ । पक्राउ परेका यादव र सहनी उक्त पैसा कहाँबाट र कुन प्रयोजनका लागि ल्याएको भनेर नखुलाएकाले थप अनुसन्धान समेत भइरहेको प्रहरी उपरीक्षक विष्टले बताए ।
प्रतिक्रिया दिनुहोस !
